Pas lansimit të videoklipit "If You Like It", i cili u polemizua shumë dhe për të cilin ende po përflitet shumë, është vet këngëtarja shqiptare, Dhurata, ajo që ka reaguar. Ishte Dhurata ajo që ditë më parë publikoi videoklipin e saj të ri të këngës "If You Like It", e ku ajo ka shfaqur "macet" në një videoklip ku ajo ka treguar linjat e saj të përkryera trupore.
Dhe, si duket edhe vet këngëtares i ka pëlqyer që të quhet "mace", aq sa edhe në një seri tweet-ash ka ironizuar të gjithë ata që e kanë kritikuar për klipin.
"Unë dal si dua, e ju të gjithë më shikoni. #Miauu", ka shkruar këngëtarja në Twitter në një seri Tweetash. Menjëherë pas lansimit të videoklipit të ri "If You Like It" në kuadër të kompanisë Elephant, ka pasur edhe performanca e parë për këngëtaren, e cila nuk ka pasur kohë ta shijojë si duhet suksesin prej 50 mijë klikimesh në orët e para të lansimit të videos. Ajo do të mbajë sonte mbrëma një koncert në Rinora 4, bashkë me Elvana Gjatën dhe Kaos.