“Keni pasur një akuzë për përdhunim…”, aktori i famshëm largohet në mes të intervistës së “BBC”

Mediale Vip

“Keni pasur një akuzë për përdhunim…”, aktori i famshëm largohet në mes të intervistës së “BBC”

Më: 5 tetor 2018 Në ora: 15:10
Steven Segal

Aktori i famshëm amerikan Steven Segal është larguar në mes të intervistës për televizionin e BBC-së, sapo gazetarja e pyeti lidhur me akuzat për përdhunim dhe raste të tjera të sjelljeve të pahijshme seksuale që rëndojnë për të.

Teksa 66-vjeçari po bisedonte me Kirsty Wark në programin “Newsnight” të enjten, gazetarja përmendi lëvizjen #MeToo dhe e pyeti se si ka ndikuar tek aktori.

“Ju keni qenë i akuzuar për ngacmime seksuale. Keni pasur një akuzë për përdhunim dhe unë pyes veten sesi ia del me të gjitha këto”, tha Wark.

Pa mbaruar ende pyetjen, aktori i filmit “Out for Justice” hoqi kufjen dhe u largua nga studio, pasi Wark u kujtoi shikuesve se Seagal i ka mohuar të gjitha akuzat kundër tij.

Kujtojmë se Steven Seagal është në mesin e dhjetëra meshkujve të fuqishëm të “Hollywood”-it që janë akuzuar për sulme seksuale.

66-vjeçari është akuzuar gjithashtu për sjellje të pahijshme seksuale nga aktoret Jenny McCarthy, Julianna Margulies dhe Portia de Rossi, në incidente të veçanta.

McCarthy duke folur në show-n e saj “SiriusXM” nëntorin e kaluar, u shpreh se Sega; është përpjekur që ta merrte atë pranë tij e më pas ta zhvishte. Sipas saj, kjo ka ndodhur gjatë një audicioni për filmin “Under Siege 2” në vitin 1995.

Ndërsa Julianna Margulies gjatë një paraqitje në show-n e McCarthy tha se kur ishte 23 vjeçe, një agjent që drejtonte femrat i tha asaj të shkonte në një hotel ku ishte edhe aktori. Sipas saj, agjenti i ka thënë se Segal e kërkonte për një takim.

Gjithashtu Portia de Rossi, nëntorin e kaluar tregoi një histori të ngjashme që ajo e quajti “provën e saj të fundit” në zyrën e Segal për një rol në një nga filmat e tij.

“Më tha sesa e rëndësishme është që të kemi kimi jashtë ekranit, teksa më ulte pranë tij dhe hoqi pantallonat prej lëkure. Vrapova dhe thirra agjentin tim”, shkruante ajo në “Twitter”.

commentFirst article
Sot mund të lexoni Shfletoni kopertinat