Madonna i është përgjigjur kritikëve të fjalimit të saj në MTV VMA, ku kishte folur për këngëtaren tashmë të ndjerë Aretha Franklin.
Ajo ka thënë së MTV i kishte kërkuar që ta prezantonte një çmim, e më pas i kishte kërkuar që të ndante ndonjë moment gjatë karrierës se saj që kishte kaluar me Franklin.
“Ndava një pjesë të udhëtimin tim dhe falënderova Aretha për inspirimin. Nuk ishte menduar si homazh për të. Nuk do t’ia arrija të bëja homazh për dy minuta në një ambient përplot zhurmë dhe muzike. Nuk do te ishte e drejtë në këtë kontekst” ka shkruar Madonna.
Ajo u kritikua se mbajti një fjalim ku foli vetëm për veten dhe ne fund fare e përmendi Franklin.