Modelja më e famshme në botë, Gigi Hadid, është angazhuar me misione bamirësie duke marrë pjesë në organizatën “UNICEF” në Bangladesh.
Gigi është bashkuar me agjencinë e OKB-së për të shikuar situatën në vend, ku jetojnë më shumë se 1 milion refugjatë.
Në këtë kohë ku vendi po përballet me përmbytje nga monsuni, më shumë se 700 mijë fëmijë janë në rrezik ndaj sëmundjeve, të cilët po ashtu kanë humbur shtëpinë dhe familjen.
Shumë fansa e përkrahen iniciativën e Gigit dhe vlerësuan qëndrimin e saj.
“Angelina e re, ti je e bukur dhe aq njerëzore”, shkroi një ndjekës. Një i dyti bëri thirrje për ndihmë dhe e ftoi tek fëmijët në Indi, të cilët gjithashtu kanë nevojë për ndihmë në sezonin e monsonit.
Gigi që vendosi hixhab ndau edhe disa imazhe në Instagramin e saj me këta fëmijë.