Johnny Depp ka arritur marrëveshje me ish bashkëpunëtoret e biznesit, të cilët i kishte akuzuar për keqmenaxhim të fitimeve të tij.
Depp kishte ngritur padi në vitin 2017 me pretendimin se mënyra se si ky ekip kishte menaxhuar punët e tij, e kishte lënë me një borxh prej 40 milionë dollarë.
Më pas Management Group ngritën kundërpadi, duke thënë se aktori mbante përgjegjësi për problemet financiare, dhe se këto probleme janë pasojë e jetës së tij të shtrenjtë, duke shpenzuar rreth 2 milionë dollarë në muaj.
Gjykimi që ishte paraparë më 15 gusht nuk do të ndodhë.