Fotografi e rrallë nga martesa e prindërve të Rita Orës në Prishtinë

Mediale Vip

Fotografi e rrallë nga martesa e prindërve të Rita Orës në Prishtinë

Më: 21 maj 2018 Në ora: 09:02
Rita Ora

Këngëtarja shqiptare me famë botërore, Rita Ora, është pa diskutim njëra ndër emrat më të përfolur në mediat ndërkombëtares.

Shkas për këtë gjë bëhen sukseset e saj të njëpasnjëshme, ndërsa jo më pak vëmendje merr edhe jeta e saj private.

Këngëtarja ka lindur në Prishtinë, dhe kur ajo ishte njëvjeçare, familja e saj emigruan për në Mbretërinë e Bashkuar.

Rita është fëmija i madh i prindërve Besnik dhe Versa Ora, ndërsa ka edhe një motër më të vogël, Elenën, dhe një vëlla tjetër, Donin.

Sot (e diel) prindërit e këngëtares festojnë 30-vjetorin e martesës, dhe këtë datë të veçantë familja Ora kanë vendosur ta kremtojnë së bashku.

Ka qenë vajza e dytë e familjes, Elena Ora, ajo e cila ka publikuar në rrjetin social Instagram, një fotografi të rrallë nga martesa e prindërve të saj në Kosovë, 30 vjet më parë.

“Urime 30 vjetori martesës për prindërit e mi. Çifti im i preferuar dhe miqtë e mi më të mirë, që kanë kaluar kohën më të mirë së bashku. Faleminderit që tregoni shoqëri të mirë për mu, dashuri dhe përkushtim”, ka shkruar Elena në mbishkrimin e fotografisë.

commentFirst article
Sot mund të lexoni Shfletoni kopertinat