Stilisti i njohur Valdrin Sahiti është bërë baba i një vajze rreth një muaj më parë, të cilën kanë vendosur ta quajnë Bella.
Ditën e djeshme Valdrini ka bërë të ditur se Bashkëshortja dhe vogëlushja Bella kanë mbërritur në Kosovë. Kujtojmë se Edita, partnerja e stilistit, e bëri lindjen në Shtetet e Bashkuara të Amerikës dhe një muaj pas ardhjes në jetë të vogëlushes ata janë rikthyer në Prishtinë, për të jetuar pranë babi Valdrinit.
Nga fotot e publikuara, duket se stilisti i mirënjohur ka organizuar një festë të madhe me rastin e ardhjes së vajzës për herë të parë në shtëpi.
Valdrini i ka zbukuruar ambientet e shtëpisë deri në detaje dhe e ka mbushur atë me tullumbace rozë. Gjithashtu ai nuk le pa fokusuar dhe dhuratat që i janë bërë princeshës së vogël e tortën që mban emrin Bella.
