Një politikan izraelit ka qenë i ashpër ndaj aktores së famshme izraelito-amerikane Natalie Portman pasi kjo e fundit nuk do të marrë pjesë në ceremoninë “Genesis Prize” në Jerusalem dhe bëri thirrje që asaj t’i hiqet nënshtetësia izraelite.
36 vjeçarja e kishte bërë plan të merrte pjesë në eventin e organizuar nga Fondacioni Genesis Prize.
Por, ‘ngjarjet e fundit’ në kufirin izraelit që i lanë dhjetëra të vdekur dhe qindra të lënduar palestinezë kanë bërë që aktorja ta shqyrtojë vendimin e saj. Ajo tash thotë se nuk ndihet “rehat” që të marrë pjesë në ceremoninë në Izrael, ku do të merrte një çmim dy milionë dollarësh.
Vendimi i saj vjen disa ditë pasiqë BE-ja ka kërkuar hetim zyrtar për përdorimin e armëve kundër protestuesve paqësor palestinezë ndaj kufirit në Gazë.
Portman tha që zhvillimet e fundit ishin “ekstremist shqetësuese” për të dhe që prandaj shkaku i ndërgjegjes nuk do të shkonte në ceremoni.
Oren Hazan nga partia Likud, e ka quajtur deklaratën e saj “çmenduri”. Madje, edhe faktin që i është dhënë vendi i parë e ka quajtur njësoj “çmenduri.” Ky i fundit tha që ajo po e përdorte vendlindjen vetëm për të fituar famë.