Prezantuesja e njohur, Roza Lati, ka hedhur poshtë një aferë të mundshme me reperin Fero.
Reperi Fero ishte një prej emrave më të përfolur së fundmi për paraqitjet e tij televizive dhe konfliktet.
Së fundmi madje ai u konfrontua fizikisht me një grup reperësh tjerë, çka bëri që e gjithë vëmendja të jetë e tij.
Fama e tij ka prekur nivele të paparashikueshme sidomos në Shqipëri, ku ai është shfaqur në disa emisione televizive.
Dhe, një prej emisioneve që bëri bujë ishte pikërisht emisioni i Rozës ku lindën spekulimet për një aferë të prezantueses me reperin për shkak të afërsisë së tyre.
Në një bashkëbisedim në rrjetin social Instagram, një adhuruese e pyeti Rozën nëse ka pasur një aferë me Feron dhe Roza me një mënyrë tejet injoruese hodhi poshtë këtë, duke pranuar se prej 8 muajsh ka të dashur dhe dikush tjetër bën marrëdhënie me të.
Roza është një prej emrave më të pëlqyer të ekranit shqiptar për emisionet që ajo realizon.
