Rita Ora është njëra ndër këngëtaret shqiptare më të famshme në botë.
Javën që lamë pas, Rita ishte në Prishtinë për të performuar për nder të dhjetë vjetorin e Pavarësisë, ku në koncertin e saj ishin të pranishëm mbi 300 mijë njerëz.
Këngëtarja nga Kosova është duke shijuar sukseset e saj me këngën e fundit të publikuar “For You” në bashkëpunim me Liam Payne.
Por përpos muzikës, Rita shumë shpesh ka qenë pjesë e lajmeve rozë edhe për jetën e saj private dhe lidhjen e saj të re me muzikantin Andrew Watt. E imazhet e çiftit bashkë nuk mungojnë as nga paparcët e as në rrjetet sociale nga vetë ata.
Rita ka publikuar disa imazhe në Instastory ku shihet se është në praninë e të dashurit, por jo edhe afër tij.