Eva Longoria duket e shpërqendruar ditëve të fundit.
Kjo padyshim se është e kuptueshme pasi aktorja është shtatzënë me fëmiun e saj të parë.
Ajo po pret një djalë që qysh tani duket se ka qejfet e veta.
Në një fotografi që aktorja e postoi në rrjetin social Instagram ka treguar se derisa ajo po pozonte pranë një pishine për një fotosesion plot glamur, afër kishte edhe një pjatë me patatet e skuqura.
“Kur je duke realizuar një fotosesion por bebi dëshiron t’i ketë afër patatet e skuqura. E premte e lumtur”, ka shkruar ylli i “Desperate Housewives”.
Qysh prej kur u bë publik lajmi se Longoria dhe bashkëshorti i saj Jose “Pepe” Baston janë në pritje të një fëmije, aktorja ka përdorur rrjetet sociale për t’i informuar fansat e saj për udhëtimin e saj të “ëmbël”.
Në një postim të lezetshëm ditë më parë, aktorja shihet duke mbajtur një bluzë afër barkut të saj të fryrë ku shkruan “Më pëlqen të mendoj se edhe verës i mungoj unë”.
