Këngëtarja nga Prishtina, Dua Lipa ka fituar çmimin “këngëtarja më e mirë” në Britani, në ceremoninë e ndarjes së çmimeve më prestigjioze në fushën e muzikës në Britani.
Ajo ka qenë e nominuar me Kate Tempest, Jessie Ware, Laura Marling dhe Paloma Faith, teksa në skenë ka dhënë një mesazh të fuqishëm kur ka pranuar çmimin.
“Ky është një çmim i rëndësishëm për mua si femër në këto kohë të vështira për ne. Është tepër e rëndësishme që të ketë sa më shumë femra që do të ngjiten në këtë skenë. Sa më shumë femra në këtë skenë më shumë fuqi dhe dashuri në muzikë, e kësisoj edhe në botë”, ka thënë Dua Lipa, me të marrë çmimin.
