Dua Lipa dhe Rita Ora janë dy këngëtaret shqiptare të cilat duket se nuk kanë marrëdhënie miqësie me njëra-tjetrën.
Këtë fakt e ka vërtetuar Rita Ora, në konferencën për shtyp dhënë në kuadër të 10 vjetorit të Pavarësisë së Kosovës, kur u pyet për një koncert të përbashkët me Duan, pyetje të cilën Rita e anashkaloi.
Por dy këngëtaret do të jenë të pranishme në ceremoninë e ndarjes së çmimeve “British Music Awards”, e cila do të mbahet mbrëmjen e sotme.
Rita do të performojë ‘live’ këngën e saj me Liam Payne “For Me”, ndërsa Dua e cila është e nominuar në pesë kategori ende nuk e ka bërë me dije se cilin nga hitet e saj do të performojë.
Tashmë nuk mbetet asgjë tjetër vetëm të presim mbrëmjen e sotme për të parë nëse do të kemi një foto të dy këngëtareve shqiptare së bashku gjatë parakalimit në tapetin e kuq.
