Viti 2016 ka qenë një vit aspak i lehtë për motrat Ismaili. Adelina, Zanfina dhe Ema, në muajin prill humbën nënën e tyre, Monën, e cila gjithashtu ishte dhe menaxherja e këngëtareve.
Në disa intervista, Zanfina Ismaili ka rrëfyer për boshllëkun e madh që ka lënë ndarja e saj nga jeta, ndërsa së fundmi, për herë të parë Adelina ka treguar sesi e ka përjetuar të qenurit shtatzënë vetëm pak pas largimit të nënës së saj nga kjo jetë.
Në një intervistë për emisionin “NiN” ajo është shprehur: “Mami ndërroi jetë në prill, unë në korrik mbeta shtatzënë. Ka qenë një intensitet ekstrem i ndjenjave.
“Jam përballur me ikjen e njeriut më të madh e më të shtrenjtë në jetë dhe në të njëjtën kohë kam mësuar se një jetë po rritej brenda meje. Në një anë ka qenë gëzim i tepruar dhe në anën tjetër ka qenë dhembje e tepruar. Mund të them lirisht se për herë të parë në jetë jam rrëzuar prej peshës së ndjenjave. Më dukej se një pjesë e imja po ngrihej lart ndërsa pjesa tjetër po fundosej.”-rrëfeu Ismaili.
