Vitin e kaluar, supermodelja Kendall Jenner ndoqi një dietë të rreptë për dy muaj para debutimit në Victoria’s Secret Fashion Show. Filloi duke bërë ushtrime intensive, të cilat i vazhdoi për një kohë të gjatë, ndaj edhe aktualisht gjithçka e mban nën kontroll për të qenë në formë të shkëlqyer fizike. Pas pak ditësh, Kendall do të sfilojë për herë të dytë në pasarelën e Victoria’s Secret, ndaj edhe kujdesi në këtë periudhë është dyfishuar.
Trajneri personal i Jenner zbuloi së fundi se mëngjesi i modeles është plot me fibra dhe proteina: vezë me avokado dhe një tas të mbushur me drithëra. Modelja vrapon nga një takim në një tjetër gjatë ditës dhe e ka të vështirë të gjejë kohë për një drekë të mirë, kështu që vakti i parë e mban të ngopur deri në orën 5 ose 6 pasdite, kur ajo ha drekën. Por gjatë orëve të gjata, Kendall porosit edhe snack, si bajame apo lëngje të freskëta frutash. Megjithatë, duket sikur mëngjesi është vakti më i mirë dhe më i rëndësishmi se çdo vakt tjetër.
Kështu, nëse po trajnohesh për show-n e VS (lol), ose edhe thjeshtë do të dukesh si Kendall, sigurohu që të kesh gati dy vakte në mëngjes, duke përfshirë shumë fibra që të mbajnë të ngopur gjithë ditën.
