Në përgjithësi te fotot e Lorit është gjithmonë diell, ashtu si është New York, apo Paris, kështu që mos e merrni për referencë nëse doni të dini si është koha jashtë.
Edhe pse postimet e saj janë të shpeshta dhe mund të japin shumë të dhëna, shumë prej tyre bëhen jashtë Shqipërisë dhe shumë larg saj, kështu që nuk ju ndihmojnë fare nëse doni të mësoni diçka për kohën në Tiranë dhe sesi të visheni atë ditë. Kështu që për të parë motin, hapni dritaren, ndërsa për të parë një kombinim veshjesh apo ku ka shkuar Lori, hapni Instagramin e saj. Së fundmi është në një vend ekzotik, me diell dhe palma.
Nuk dihet nëse Lori i është bashkuar të motrës Sarës që bashkë me Ledionin, po kalonte gjithashtu disa ditë pushimesh ekzotike, apo bashkë me të dashurin Visin, kanë nisur një udhëtim për të mbyllur siç duhet një periudhë festash të rëndësishme, 5 vitet e historisë së tyre dhe ditëlindjen e saj të 23-të.
