Kjo nuk është hera e parë që politikanët shqiptarë prezantojnë para publikut familjet e tyre. Këtij trendi i është bashkuar edhe kryetari i Gjilanit Lutfi Haziri, i cili ka qenë i ftuar special në edicionin e 12-të të spektaklit ‘Zhurma Video Music Awards’
Në praninë e shumë qytetarëve, Luta ka parakaluar në tapetin e kuq të këtij eventi së bashku me gruan Miken, vajzën Këngën dhe djalin e vogël e shumë simpatik, Lumin.
Tapetit të kuq i është shtuar edhe më shumë glamuri nga parakalimi i të parit të Gjilanit me familjen e tij.
Përndryshe Haziri ka ndarë njërin ndër çmimet kryesore Best Video të cilin e fitoi Enca & Noizy me ‘Bow Down’.
Me këtë rast, Kryetari i Gjilanit është shprehur i lumtur që ka qenë pjesë e kësaj ngjarje të veçantë siç shprehet vetë Lutfiu.
Lumi edhepse i vogël në moshë ka idollin e tij. Lumi është fansi më simpatik i reperit shqiptar, Noizy. Kjo u bë e ditur gjatë ndarjes së çmimit kryesor të spektaklit.
‘Zhurma Video Music Awards 12’ edhe këtë vit është mbajtur me mbështetjen e Komunës së Gjilanit.
