Sot ka nisur pastrimi i Banjës së Istogut në kuadër të iniciativës “Ta pastrojmë Kosovën”.
Pas shumë qyteteve të tjera, kjo iniciativë mbyllet në Istog për këtë sezon, ndërsa vazhdon përsëri në shtator, njofton Klan Kosova.
Në banjë janë hequr rreth 46 qese mbeturinash me shumë punë vullnetare.
Ky aksion është mirëpritur nga banorët, madje edhe shumë prej tyre i janë bashkëngjitur.
Në këtë aksion nuk ka munguar as prezantuesja Arbnora Ademaj e cila asnjëherë nuk mungon në këtë iniciativë, për të dhënë maksimumin e saj në secilën ditë.
