Teatri Shqiptar i Shkupit fitues i festivalit të 17-të “Teatri Shqiptar në Maqedoni” - Bota Sot
Teatri Shqiptar i Shkupit fitues i festivalit të 17-të “Teatri Shqiptar në Maqedoni”

Maqedonia

E hënë, 15 tetor 2018

Teatri Shqiptar i Shkupit fitues i festivalit të 17-të “Teatri Shqiptar në Maqedoni”

Më: 12 tetor 2018 Në ora: 09:58
Teatri Shqiptar i Shkupit

Teatri Shqiptar i Shkupit, me shfaqjen “Gratë” është fituesi absolut i edicionit të 17-të të festivalit “Teatri Shqiptar në Maqedoni”, që tradicionalisht mbahet në Dibër.

Kjo shfaqje me të cilën mbrëmë u mbyll sipari i festivalit, ka marrë pesë çmimet kryesore.

Ajo u shpall si shfaqja më e mirë, Qëndrim Rijani fitoi çmimin e regjisorit më të mirë, ndërsa çmimin “Aktorja më e mirë në rolin kryesor” e mori Vjollca Bekteshi Hamiti, kurse çmimi “Aktorja më e mirë në rol joprotagonist” iu dha aktores Teuta Ajdini-Jegeni.

Në shtatë ditët e kaluara të festivalit, para publikut të Dibrës u paraqitën teatro nga Tetova, Presheva, Gjirokastra, Gjilani dhe Shkupi.

Dibranët kishin mundësinë që në ditën e parë të festivalit, jashtë konkurrimit, ta ndjekin dramën koreografike “Nuni” në ekzekutimin e Ansamblit Kombëtar të Këngëve dhe Valleve “Shota” nga Prishtina”.

Shfaqja i është kushtuar heroit kombëtar Gjergj Kastriot Skenderbeut ndërsa është përgatitur me rastin e 550-vjetorit të vdekjes së tij, që shënohet sivjet.

Ky manifestim edhe sivjet financiarisht është mbështetur nga Ministria e Kulturës së Maqedonisë, me 600 mijë denarë, si dhe nga sponsor të tjerë. Për herë të parë festivali sivjet nuk u mbështet nga pushteti lokal.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test