Policia Financiare këtë pasdite zhvilloi kontroll në shtëpinë e ish Kryetarit të Komunës së Karposhit, Stevço Jakimovski në Zhdanec, e më pastaj u drejtua në shtëpinë e tij të dytë.
Kontrolli kryhet sipas urdhrit të policisë financiare, e cila dyshon se Jakimovski ka bërë keqpërdorime në tri tenderë, të cilat dy janë për barakat komunale, dhe një për sheshin në Zhdanec.
Jakimovski thotë se në shtëpinë e tij nuk mund të gjejnë asgjë sepse nuk e mban dokumentacionin në shtëpi. Ai shton se këto akuza nuk mund t’i drejtohen atij, sepse punë për të cilat ai dyshohet i kryejnë shërbimet komunale.