Mediat greke përcjellin se ministri i jashtëm, Nikos Kotzias nesër do të prezantojë 33 dokumente që pritet të jenë “bombë” e vërtetë, ndërsa janë në lidhje me mënyrën në të cilën janë zhvilluar negociatat për emrin nga qeveritë paraprake.
Ministri grek për Punë të Jashtme ka kërkuar deklasifikimin e dokumenteve që kanë qenë sekret shtetëror, që të kuptojë publiku se cilët kanë qenë propozimet e qeverive të kaluara gjatë negociatave për kontetsin e emrit me Maqedoninë. Kotzias ka arritur të pranojë deklasifikim të 33 dokumenteve të tilla, që datojnë nga viti 1992 e deri më tani.
Sipas burimeve të MPJ-së greke, procesi i tillë është plotësisht i ligjshëm. Deklasifikimi i dokumenteve dhe fakti se ata mund të publikohen, ka qenë shkaku pse ish ministrja e jashtme e Greqisë, Dora Bakoyannis ka humbur qetësinë dhe vrullshëm ka sulmuar ministrin aktual Nikos Kotzias.
