OSBE: Shkupi dhe Athina arritën marrëveshje historike

Maqedonia

OSBE: Shkupi dhe Athina arritën marrëveshje historike

Më: 14 qershor 2018 Në ora: 10:25
Ilustrim

Kryetari i OSBE-së, ministri i Punëve të Jashtme i Italisë Enzo Moavero Milanesi dhe Sekretari i Përgjithshëm i kësaj organizate Thomas Greminger, përgëzuan marrëveshjen midis Shkupit dhe Athinës për zgjidhjen e çështjes së emrit.

Ata në deklaratë shpresojnë se marrëveshja është hap drejt përforcimit të stabilitetit rajonal.

“Ju uroj kryeministrave Zoran Zaev dhe Alexis Tsipras për lidershipin e shfaqur dhe përkushtimin e procesit i cili është shumë i rëndësishëm për dy vendet, Evropën juglindore dhe Evropën në përgjithësi”, thotë Moaver, duke shtuar se kjo është e vetmja mundësi për t’u shfrytëzuar.

Greminger, përsëri thekson për rëndësinë e dialogut dhe kompromisit në këtë proces.

“Kjo marrëveshje historike mund të sjell në zgjidhje përfundimtare në interes të qytetarëve dhe gjithë rajonit, thekson Sekretari i Përgjithshëm i OSB-së.

commentFirst article
Sot mund të lexoni Shfletoni kopertinat