Një përfaqësues nga Departamenti Amerikan i Shtetit (DASH) deklaron se SHBA-të i inkurajojnë qeveritë e Maqedonisë dhe Greqisë që të gjejnë një zgjidhje të pranueshme për të dy palët, për çështjen e emrit.
Kjo përgjigje vjen për agjencinë greke ANA-MPA, në lidhje me këtë çështje.
Sipas përfaqësuesit, SHBA-të vazhdojnë të mbështetin procesin e bisedimeve nën ombrellën e OKB-së, duke thënë se marrëveshja duhet të jetë në interes të integrimeve euro-atlantike, rritjes ekonomike, paqes e stabilitetit në rajon.
