Nëse për Mickoskimin, ligji i gjuhës shqipe është antikushtetues, atëherë edhe Kushtetuta e kësaj republike është antikushtetuese ndaj popullatës shqiptare në Maqedoni. Kështu vlerëson njohësi i çështjeve politike në Maqedoni Sulejman Mehazi .
Ai ka thënë për " Bota sot", se nëse kryetarit të VMRO-së: "Maqedonia u takon maqedonasve" atëherë e pyesim Mickoskin, pse ndërkombetarisht kjo republikë njihet si Ish-Republika Jugosllave e Maqedonisë-FYROM?
“Arsyeja pse kjo republikë njihet si ish-Republikë Jugosllave e Maqedonisë, është sepse nuk është vetëm e maqedonasve. Pra e pyesim Mickoskin pse grekët se njohin nocionin dhe shtetin Maqedoni? Shkurt e qartë, politika e VMRO-së është vazhdimësi e ish-kryetarit Gruevski. Dhe kjo është normale, kur Zaevi bëhet me liberal e social në qeveri, e kundërta, opozita do bëhet me konzervative e nacionaliste. Janë llafe e të gjithë partive opozitare pasi edhe vet Ramushi kur ishte në opozitë thoshte shumë deklarata të forta për Çakorrin, kurse tani si kryeministër, u bë shumë i butë dhe i lehtë për Çakorin. Pra edhe veprimet e Mickoskit janë të njëllojta si të Haradinaj”, ka thënë ai.