Nimic: Nuk kemi akoma një zgjidhje përfundimtare

Maqedonia

Nimic: Nuk kemi akoma një zgjidhje përfundimtare

Më: 26 maj 2018 Në ora: 10:07
Metju Nimic

Takimi dy ditor në Nju Jork mes dy ministrave të jashtëm të Greqisë dhe Maqedonisë Kocijas e Dimitrov të ndërmjetësuara nga Nimic përfundoi pa epilog konkret. Pa zbuluar detaje nëse në tavolinën mbetet apo është refuzuar tërësisht propozimi “Maqedonia e Ilindenit” dhe nëse janë rikthyer për shqyrtim pesë propozimet fillestare, Nimic tha se palët kanë definuar mirë çështjet dhe se janë të vendosur të gjejnë zgjidhje duke i mbrojtur interesat e tyre kombëtare.

“Çështjet janë definuar mirë dhe janë zvogëluar, por nuk kemi akoma një zgjidhje përfundimtare. Dyja të dy palët janë të vendosura të bëjnë mjaftë për të arritur një marrëveshje dhe po punojnë shumë për ta bërë këtë. Dy ministrat do të shkojnë në Bruksel dhe atje do ta vazhdojnë dialogun. Këto bisedime janë intensifikuar në mënyrë të konsiderueshme dhe të dy palët kanë pozita të rëndësishme, linja të interesave nacionale, por të dy kanë kuptuar rëndësinë e arritjes së marrëveshjes dhe janë të vendosur për ta bërë këtë. Palët e njohin njëri-tjetrin shumë mirë. Dy ministrat flasin lirshëm dhe do t’ia dalin të lëvizin para”, deklaroi Metju Nimic, Ndërmjetës i OKB-së për emrin.

commentFirst article
Sot mund të lexoni Shfletoni kopertinat