Kamennos: Nuk do të ketë zgjidhje për çështjen e emrit

Maqedonia

Kamennos: Nuk do të ketë zgjidhje për çështjen e emrit

Më: 22 maj 2018 Në ora: 17:32
Panos Kammenos

“Zgjidhje nuk do të ketë”, thotë ministri i Mbrojtjes i Greqisë dhe partner koalicioni në qeverinë greke, Panos Kammenos, në një intervistë për “Alfa989”.

Lideri i “Grekëve të Pavarur” edhe një herë ka përsëritur qëndrimin se partia e tij nuk do të votojë për emër të ngjitur me termin Maqedonia, pa dallim nëse siç tha, do të quhet Maqedonia do të quhet e Ilindenit, Shën Ilija, e Epërme, ose e Poshtme.

“Besoj se nuk do të ketë zgjidhje për emrin. Besoj pasi vetë shkupjanët e kanë bindur popullin e tyre në një mit që e ka ndërtuar Tito dhe që sillet rreth emrit “Maqedonia”. Unë kam pozicion të qartë, asnjëherë nuk do të votojë për emër që përmban termin “Maqedonia””,tha Kamennos.

Ai në intervistë ka shtuar se parakusht për të arritur marrëveshje mes Maqedonisë dhe Greqisë është të bëhen ndryshime kushtetuese në Shkup, për të cilat mendon se nuk mund të kalojnë në Kuvendin e Maqedonisë.

Sot mund të lexoni Shfletoni kopertinat