Nikollovski në takim me drejtorin e FAO, kërkohet mbrojtja e bletëve

Maqedonia

Nikollovski në takim me drejtorin e FAO, kërkohet mbrojtja e bletëve

Më: 20 maj 2018 Në ora: 17:23
Ministri i Bujqësisë, Pylltarisë dhe Ekonomisë së Ujërave, Lupço Nikollovski

Ministri i Bujqësisë, Pylltarisë dhe Ekonomisë së Ujërave, Lupço Nikollovski, realizoi takim pune me drejtorin e përgjithshëm të Organizatës për ushqim dhe bujqësi pranë Kombeve të Bashkuara – FAO, Hoze Gracijano da Silva, në të cilën është biseduar për punën e grupeve teknike të MBPEU dhe përgatitjen e kornizës programuese të FAO-s për Republikën e Maqedonisë për periudhën e vitit 2018-2020.

Takimi është në kuadër të konferencës ministrore ndërkombëtare për “Rëndësinë e bletëve dhe pluhurimet tjera për bujqësi të qëndrueshme dhe siguri të ushqimit”, që mbahet në Bërdo afër Kranjit, Republika e Sllovenisë. Ministri Nikollovski, siç informojnë nga MBPEU në takim ka potencuar se pas dhjetë vitesh, MBPEU do të emërojë përfaqësues të saj të përhershëm në misionin e FAO-s në Romë.

Korniza programuese e FAO-s për RM-në për periudhën e vitit 2018-2020, siç informojnë nga MBPEU duhet të nënshkruhet gjatë konferencës së 10-të rajonale LANDNAT që do të mbahet në Shkup nga 19-21 qershor dhe me çka identifikohen sferat për të cilat FAO do të sigurojë ndihmë teknike dhe financiare për Republikën e Maqedonisë. Drejtori i Përgjithshëm Hoze Graciano da Silva shprehu bindje të fortë se FAO do të përfshihet në mënyrë aktive dhe do t’i angazhojë të gjitha kapacitetet e saja si partner kryesor i MBPEU gjatë fillimit të negociatave me Bashkimin Evropian dhe hapjen e kapitujve për bujqësi, zhvillim rural dhe siguri në ushqim.

Në mënyrë shtesë, ai e ka prezantuar edhe kornizën financiare për Fondin e gjelbër klimatik vlera e të cilit është 250 milionë euro. Kjo iniciativë është prioritet për MBPEU dhe Republika e Maqedonisë do të gjendet në portofolin e këtij fondi me projekte të veta për përballje me ndryshimet klimatike dhe rregullimin e ndikimit të saj të dëmshëm ndaj prodhimtarisë bujqësore.

commentFirst article
Sot mund të lexoni Shfletoni kopertinat