Gashi: Zaevi të zgjedh njërën nga krahët e Lëvizjes Besa për në Qeveri

Maqedonia

Gashi: Zaevi të zgjedh njërën nga krahët e Lëvizjes Besa për në Qeveri

Më: 18 prill 2018 Në ora: 13:24
Afrim Gashi

Në konferencën për shtyp, deputeti Afrim Gashi, njiherit lider i njërit krah të Lëvizjes Besa, tha se Kryeministri Zoran Zaev duhet të zgjedhë në mes të tij dhe Bilall Kasamit, për përfshirje në Qeveri.

Sipas tij, nuk është biseduar për marrjen e Ministrisë së Drejtësisë (MD), por grupimi që ai drejton ka kuadro për të gjitha institucionet. Për çështjet brenda Lëvizjes Besa, Gashi thotë se nuk do të dëshironte që këto çështje të bëhen pjesë e kabinetit qeveritar.

Gashi konfirmoi se kanë patur disa takime me Zaevin, dhe se kanë biseduar për përfshirje në Qeveri, për shkak të bisedimeve për emrin dhe për hyrje në BE.

Njiherit, Afrim Gashi shprehu kënaqësinë për lajmet e mira nga BE-ja dhe për vizitën e eurokomisionerit Johannes Hahn. Në lidhje me çështjen e emrit, Gashi thotë se nuk dëshiron diçka që prek identitetin e maqedonasve, dhe se mbështet ndryshimin e Kushtetutës, nëse kjo do të thotë ecje përpara. 

Sot mund të lexoni Shfletoni kopertinat