Deputetët e LSDM-së dhe BDI-së u rreshtuan në mbrojtje të kriminalitetit, korupsioni, politikave katastrofale ekonomike dhe shtetit të robëruar, thonë sot nga VMRO-DPMNE pasi dështoi mbrëmë mocioni kundër Qeverisë së Kryeministrit Zaev.
"Me çdo ditë të kaluar me Zaevin, standardi i qytetarëve bie, ndërsa shteti vuan dëme të mëdha. Për këto 10 muaj, jeta erdhi vetëm për Zaevin dhe bashkëpunëtorët e tij më të ngushtë. Kjo qeveri është qeveria më e paaftë në historinë e Republikës së Maqedonisë", thonë mes tjerash nga VMRO-DPMNE.
