Ambasada e Rusisë në Shkup i ka mohuar thashethemet për gjoja organizimin e protestës mbështetëse, para ca ditësh, para Ambasadës në Shkup.
Sipas tyre, edhe fjalimi i ambasadorit Scherbak në këtë protestë nuk paraqet shkelje të Konventës së Vjenës për marrëdhënie diplomatike, të vitit 1961.
Megjithatë, Ambasada shprehet falënderuese ndaj atyre qytetarëve të cilët u mblodhën për të shprehur dhembjen e tyre për 64 personat e vdekur në një fatkeqësi në Rusi.
Njëherit, Ambasada konsideron se të falënderosh një shprehje të këtillë të keqardhjes paraqet respekt dhe nxitje për marrëdhënie miqësore ndërmjet dy shteteve.
