Zbogar: Ligji për gjuhët nuk është pjesë e reformave, por është pjesë e Marrëveshjes së Ohrit

Maqedonia

Zbogar: Ligji për gjuhët nuk është pjesë e reformave, por është pjesë e Marrëveshjes së Ohrit

Më: 24 mars 2018 Në ora: 16:30
Samuel Zbogar

Duam arritjen e marrëveshjes për emrin deri në samitin e NATO-s. Shpresojmë se të dy palët do të mund ta arrijnë këtë. Vërejmë se tani të dy palët janë të përkushtuara fuqishëm në gjetjen e zgjidhjes për këtë çështje dhe të mundësohet përparim për qytetarët, deklaroi në një intervistë për televizionin 24 Vesti, ambasadori evropian në Maqedoni, Samuel Zbogar.

“Evropa është këtu për të ndihmuar, nëse keni nevojë për ndihmë, por kontesti i emrit zhvillohet në kuadër të KB-së dhe ashtu duhet të mbetet”, tha Zbogar.

Ai shtoi se është takuar me kryetarin e shtetit, Gjorge Ivanov dhe kryeparlamentarin Talat Xhaferi, të cilët ia kanë shfaqur argumentet e tyre në lidhje me Ligjin për përdorimin e gjuhëve.

“Ligji i gjuhëve nuk është prioritet evropian, por është ligj që është pjesë e Marrëveshjes së Ohrit. Komisari evropian, Johannes Hahn tha se nuk është pjesë e reformave, por dha përkrahjen e tij për këtë ligj”, tha Zbogar.

Zbogar ftoi opozitën të kthehet në Kuvend dhe të japë kontributin në debatet për ligjet, por edhe dialogun në grupet e punës të pushtetit dhe opozitës e cilësoi si hap pozitiv.

commentFirst article
Sot mund të lexoni Shfletoni kopertinat