Dibër, dy ortekë bllokuan rrugën Dibër - Mavrovë - Bota Sot
Dibër, dy ortekë bllokuan rrugën Dibër - Mavrovë

Maqedonia

E premte, 25 maj 2018

Dibër, dy ortekë bllokuan rrugën Dibër - Mavrovë

Më: 14 shkurt 2018 Në ora: 17:37
Dibër - Mavrovë

Dy ortekë kanë rënë në aksin rrugor Dibër – Mavrovë, në afërsi të kishës së Shën-Bigurit, në një lartësi prej 200 metrash nga njëri - tjetri...

Orteku i parë ra pasditen e djeshme ndërsa i dyti pas mesnatës. Sipas shefit të Njësisë së Ndërmarrjes “Rrugët e Maqedonisë” në Dibër, Dear Limanovskit, orteku i borës ka rrëshqitur nga majëmali, ky masiv kishte mbi një mijë metër kub borë, gurë e drunj.

Orteku i dytë ra pikërisht kur ekipet përfunduan hapjen e rrugës së zënë nga orteku i parë. Kjo ka bërë që rruga Dibër - Mavrovë të mbetet e bllokuar deri sot në mesditë. Ortekët e borës nuk janë të rralla për këtë zonë, por për fat të mirë përveç bllokimit të rrugëve, asnjëherë nuk kanë shkaktuar viktima në njerëz.
 
Reshjet e borës kanë vështirësuar kalimin edhe në rrugën Dibër - Strugë dhe Dibër - Qendër Zhupë, ku drunjtë e rëna në rrugë përkohësisht ndërprenë kalimin e automjeteve.
 
Aktualisht të gjitha drejtimet e rrugëve si për Mavrovë - Strugë e Qendër Zhupë janë të kalueshme, por me pak vështirësi. Po punohet pa ndërprerje që situata në rrugë të kthehet në gjendje normale.

Sot mund të lexoni Shfletoni kopertinat
Sondazh
test