Si pasojë e motit të keq mbrëmë në rrugën Demir Kapi – Udovë ndodhi një aksident i rëndë me ç’rast u aksidentuan një deputete dhe një kryetar komune të Maqedonisë.
Sipas portaleve në gjuhën maqedonase, bëhet fjalë për deputeten e LSDM-së, Meri Lazarova dhe kryetarin e komunës së Valandovës, Pero Kostadinov.
Deputetja për shkak të plagëve më të rënda menjëherë është transportuar drejt Klinikave të Shkupit, gjegjësisht në klinikën e neurokirurgjisë, pas lëndimeve në kokë dhe trup, por ajo sot siç u raportua është në gjendje të mirë.
Deri tek aksidenti erdhi kur makina “Opel Corsa”, që e drejtonte deputetja ka përfunduar në një masë të madhe të dheut dhe gurëve që kishin rrëshqitur në rrugë. Nga shpejtësia e madhe dhe përplasja e fuqishme makina e tyre është rrokullisur.
Edhe MPB ka informuar për aksidentin e rëndë që sipas raportit policor ka ndodhur dje rreth orës 18.30.
