Nikolla Gruevski edhe nesër në gjykatë

Maqedonia

Nikolla Gruevski edhe nesër në gjykatë

Më: 17 dhjetor 2017 Në ora: 15:09
Nikolla Gruevski

Nesër mbahet seancë për rastin “Shuplakat”, ku të akuzuar janë ish kryeministri i Republikës së Maqedonisë, Nikolla Gruevski, ish ministri i Transportit dhe Lidhjeve, Mile Janakieski edhe nëntë persona të tjerë.

Gruevski dhe Janakieski gjykohen bashkë, pasi që dy të akuzuar tjerë të rastit “Shuplakat” në seancat paraprake e kanë pranuar fajin. Pas pranimit të fajit nga dy të akuzuarit Jordan Ristevski dhe Tomisllav Llazarov, gjykatësja Tatjana Mihajllova e ka veçuar procedurën për ata.

Nesër po ashtu mbahet seancë për rastin “Trajektorja” në të cilën 4 funksionarë të Qeverisë së VMRO-DPMNE-së dyshohet se kanë ndërmarrë veprime me të cilat janë ndërtuar seksionet e autostradës Milladinovc – Shtip dhe Kërçovë – Ohër, gjatë së cilës kanë pranuar ofertë më të shtrenjtë për tenderin, me çka buxhetit të Maqedonisë i kanë shkaktuar dëm prej 150 milionë euro.

Sot mund të lexoni Shfletoni kopertinat