Zv. kryeministri për çështje evropiane Bujar Osmani në video prezantimin javor të aktiviteteve të tij para opinionit ka thënë se javën që po e lëmë pas ka qenë me aktivitete të shumta me qëllim që Maqedonia të ecë me hapa të sigurtë drejt rrugës të anëtarësimit në NATO dhe Bashkimin Evropian, njofton Aktuale.mk
Osmani në video paraqitjen e tij mes tjerash ka deklaruar:
“Jemi në prag të periudhës më të rëndësishme për integrimet tona evropiane dhe euroatlantike. Kemi mundësi të pa përsëritshme që në muajt në vijim ti mbyllim të gjitha çështjet e parapara me planin 3-6-9 për temat e hapura politike që të shfytëzojmë vitin e ardhshëm për të bërë hapa konkret drejt integrimit në NATO dhe BE. Këto janë momente të rëndësishme për zhvillimin tonë si shoqëri e si shtet”.
