Ministria e Arsimit dhe Shkencës e informon opinionin se po ndërmerren masa për rikonstruimin e shkollës fillore “11 Tetori” që është djegur në fshatin Novo Sellë në Komunën e Bogovinjës,.
“Dy ditët e kaluara, Ministria e Arsimit dhe Shkencës ka qenë në komunikim të vazhdueshëm me drejtorin e shkollës që të gjindet zgjidhje më përkatëse për zhvillimin e procesit arsimor, ku janë krijuar kushte për ndjekjen e mësimit, nxënësit vazhduan ta ndjekin mësimin në bashkësinë lokale të fshatit dhe në hapësirat e ambulantes rajonale.
Njëkohësisht disa ekspert nga Reparti i investimeve kapitale të Ministrisë së Arsimit dhe Shkencës sot kanë kryer kontroll në objektin e shkollës së djegur dhe do t’i ndërmarrin të gjitha masat për përpunimin e dokumentacionit për ndërtimin e objektit shkollor në pajtim me standardet ligjore”, thuhet në kumtesën e Ministrisë.
Ndryshe, me 22 tetor shkollën fillore “11 Tetori” në fshatin Novo Sellë 2 e kaploi zjarri gjatë pasdites, ku e dogji shkollën në tërësi duke shkaktuar dëme edhe në një makinë që ishte parkuar në afërsi të objektit shkollor, por nuk ka pasur persona të lënduar nga zjarri.
