Kryeministri i Greqisë, Alexis Tsipras, ka folur rreth kontestit të emrit ndërmjet Maqedonisë dhe Greqisë, çështje që vazhdon ta bllokojë Maqedoninë në integrimet euro-atlantike.
Sipas tij, çështja e emrit ndërmjet Athinës dhe Shkupit duhet patjetër të zgjidhet para se Maqedonia të bëhet anëtare e BE-së dhe NATO-s.
Ai sqaroi se vendimet e Këshillit të Evropës dhe të Samitit të NATO-s janë se fillimisht duhet të zgjidhet kjo çështje, në një mënyrë të pranuar nga të dy palët.
Tsipras theksoi se shefat e diplomacive, Kotzias dhe Dimitrov kanë kontakte të rregullta dhe se pritet një bisedë ndërmjet Kotzias dhe ndërmjetësuesit të OKB-sëm Matthew Nimetz.
