Kryetari i Qeverisë së Republikës së Maqedonisë Zoran Zaev sot u takua me ambasadorin e Izraelit në Maqedoni Dan Orian ku kanë diskutuar për marrëdhëniet e mira ndërmjet dy vendeve me theks të veçantë në përmirësimin e bashkëpunimit ekonomik.
Ambasadori Orian i përcolli kryeministrit Zaev urimin e kryeministrit izraelit Netanyahu për zgjedhjen e tij si kryetar i Qeverisë së Republikës së Maqedonisë dhe shprehu përkrahjen e Izraelit për ndryshimet në Maqedoni të cilat do të ishin shenjë e stabilitetit dhe perspektivës ekonomike për vendin.
Në takim ambasadori Orian poashtu shprehu falënderimet për kujdesin që tregon shteti për bashkësinë hebreje në Republikën e Maqedonisë.
