”Verë e nxehtë për anëtarësimin e Maqedonisë në NATO”

Maqedonia

”Verë e nxehtë për anëtarësimin e Maqedonisë në NATO”

Më: 12 qershor 2017 Në ora: 14:32
Nikolla Dimitrov

Pas largimit nga pushteti të Nikolla Gruevskit dhe formimit të Qeverisë së re në Shkup, çështje kohe është kur do të fillojë presioni ndaj Athinës për gjetje të zgjidhjes për çështjen e emrit me qëllim që IRJM të hyjë në NATO dhe pastaj të fillojnë negociatat për anëtarësim në BE, komenton sot ‘Katimerini’.

Pas largimit nga pushteti të Nikolla Gruveskit dhe formimit të Qeverisë së re në Shkup, çështje kohe është kur do të fillojë presioni ndaj Athinës për gjetje të zgjidhjes për çështjen e emrit me qëllim që IRJM të hyjë në NATO dhe pastaj të fillojnë negociatat për anëtarësim në BE, komenton sot “Katimerini”.

Gazeta informon se “sipas diplomatëve mirë të informuar perëndimor në Shkup, Bruksel dhe Berlin vlerësojnë se përshpejtimi i procedurave për integrim të vendit fqinjë në NATO nën akronimin IRJM, do të jetë ‘dhuratë’ për mbështetje nga Perëndimi për dyshen Zaev-Ahmeti, të cilët kanë investuar për kthim të normalitetit të brendshëm politik dhe etnik në vend, që konsiderohet si kyç për ekuilibrimin gjeopolitik”: “Katimerini” komenton se presioni ndaj Athinës do të fillojë veçmë në muajt e ardhshëm, ndërsa burime për gazetën kanë deklaruar se presioni gjerman ndaj Athinës për pranim të shpejtë të Maqedonisë në NATO veçmë po bëhet “ngulfatës”, njofton AIM.

Ministri i ri i Punëve të Jashtme i Maqedonisë, Nikolla Dimitrov shpejtoi të tregoj gatishmëri për takim dhe biseda me qëllim të përmirësimit të marrëdhënieve mes dy vendeve, të cilat, siç theksoi, shpreson se do të sjellin deri në marrëveshje të cilat do ta lirojnë rrugën e Maqedonisë drejtë “integrimeve euroatlantike”, shkruan “Katimerini”. Burimet diplomatike vlerësojnë se ky “lirim” së shpejti do të fillojë me presion ndaj Athinës që ta tërheq qëndrimin rezerv për NATO me akronimin IRJM, ndërsa çështja me BE-në është më e ndërlikuar dhe kërkon progres në reforma të rëndësishme, për të cilat do të duhet kohë më e gjatë, e kanë të bëjnë me ekonominë, aparatin shtetëror, etj.

Sot mund të lexoni Shfletoni kopertinat