Zv. kryeministri për Çështje Evropiane, Arbër Ademi, sot realizoi takim të rregullt pune me euro-ambasadorin Samuel Zhbogar, ku u diskutuan më shumë tema lidhur me agjendën Evropiane të Republikës së Maqedonisë.
Në takim, Ademi iu referua gjendjes politike në Maqedoni, dhe i përshëndeti përpjekjet e deritanishme të Unionit për gjetjen e daljes nga kriza. Vizitat e fundit të zyrtarëve të lartë të BE-së janë dëshmi e angazhimit dhe mbështetjes nga ana e Bashkimit Evropian për Maqedoninë dhe orientimit të saj euro–atlantik.
Ai theksoi se është e rëndësishme, edhe në kushtet e vazhduara të krizës së brendshme, aktivitetet e rregullta të vazhdojnë lidhur me implementimin e Marrëveshjes për Stabilizim dhe Asociim dhe realizimi i projekteve nga programi IPA.
Dy bashkëbiseduesit u dakorduan që takimet e tilla të rregullta pune të vazhdojnë edhe në të ardhmen, në funksion të koordinimit të aktiviteteve reformuese lidhur me ardhmërinë tonë për anëtarësim në Bashkimin Evropian.
