Në raportin e Komitetit të Helsinkit për të drejtat e njeriut për muajin shkurt , gjobitja prej 2 mijë eurosh e dy prokuroreve speciale Katica Janeva dhe Fatime Fetai, është cilësuar si precedent.
Në këtë raport thuhet se ky është rasti i parë në histori të Gjykatës Themelore Shkupi 1 ku një gjykatës e dënon një Prokuror për mos respektimin e gjyqit. Ndërkaq nga Prokuroria është paraqitur ankesë ndaj gjykatëses Tatjana Mihajllova dhe Gjykatës së Apelit.
Ditë më parë gjykatësja derisa ushtronte detyrën e kryetarës së Gjykatës Penale, ndërpreu seancën gjyqësore ndaj ish kryeministrit Nikola Gruevski dhe 15 të akuzuarve të tjerë kurse gjobiti me nga 2 mijë euro prokuroret e Prokurorisë Speciale, Janeva dhe Fetai.