Lëvizja Besa dhe Aleanca për Shqiptarët nuk japin përgjigje për dakordimet e fundit të BDI-së

Maqedonia

Lëvizja Besa dhe Aleanca për Shqiptarët nuk japin përgjigje për dakordimet e fundit të BDI-së

Më: 23 shkurt 2017 Në ora: 15:32
Lëvizja Besa dhe Aleanca për Shqiptarë

Bisedimet të cilat janë duke u zhvilluar gati dy javë ndërmjet LSDM-së dhe BDI-së për çështje kruciale dhe kërkesa legjitime të shqiptarëve, siç është zyrtarizimi i gjuhës shqipe, janë përafruar. BDI për propozimet e gjuhës shqipe dhe kërkesat tjera i ka kërkuar LSDM-së nënshkrimet për siguri në qeverisjen e ardhshme.

 Mbrëmë u njoftua se BDI kishte mbledhur kryesinë për të diskutuar çështjen e gjuhës shqipe. Zëdhënësi i BDI-së, Bujar Osmani mbrëmë deklaroi se LSDM dhe BDI kanë rënë dakord me ligjin për gjuhën shqipe dhe tani në vazhdimësi po diskutohet për bashkëqeverisje.

Nga ana tjetër dy partitë tjera shqiptare, nënshkruese të Deklaratës së inicuar nga kryeministri Edi Rama në Tiranë, si Aleanca për Shqiptarët dhe Lëvizja Besa, nuk i komentojnë dakordimet e BDI-së rreth çështjes për gjuhën shqipe.

Arben Taravari nga Aleanca për Shqiptarët për median thotë: Do të shqyrtojmë në organet partiake, në kuvendin qendror, ditën e dielë.

Gjithashtu edhe nga Lëvizja Besa nuk i komentuan deklaratat e mbrëmshme të zëdhënësit Bujar Osmani.

‘Nuk kemi çfarë i komentojmë dakordimet e subjekteve tjera politike’, thonë nga Lëvizja Besa.

Në lidhje me formimin e qeverisë së re, sot kryetari i LSDM-së ishte në Sarajevë dhe në një konferencë për media tha se nënshkrimet për mandatin tashmë janë siguruar dhe se Maqedonia në gjysmën e parë të muajit mars do të ketë qeveri të re të udhëhequr nga LSDM. 

Sot mund të lexoni Shfletoni kopertinat