Presidenti i Republikës së Maqedonisë, Gjorge Ivanov sot e priti Argentina Shabados, drejtoreshë rajonale e Organizatës Ndërkombëtare për Migrim (IOM) i obliguar për Evropën Juglindore, Evropën Lindore dhe Azinë Qendrore.
Ata biseduan për gjendjen aktuale me krizën e refugjatëve dhe migruese, strategjitë dhe aktivitetet e Organizatës ndërkombëtare për migrim dhe rolin e Maqedonisë në ballafaqim me krizën e emigrantëve.
Siç kumtoi kabineti i Presidentit, Ivanov ka theksuar se Republika e Maqedonisë i zbaton masat dhe vepron në pajtim me Këshillin Evropian, me qëllim të parandalimit të kërcënimit nga migrimi ilegal, mbrojtja e kufijve dhe ruajtja e integritetit të Zonës Shengen.
Shabados e ka informuar presidentin Ivanov për strategjitë dhe prioritetet e IOM-it lidhur me bashkëpunimin e mëtejshëm me Republikën e Maqedonisë në sferën e migrimeve.
