Platforma dhe kërkesat e shqiptarëve duke i përfshirë edhe ato ekonomike duhet të reflektohen edhe në programin e qeverisë së re në Maqedoni, thotë analisti politik Gazmend Ajdini.
"E rëndësishme është harmonizimi i kërkesave dhe artikulimi i tyre në platformën e përbashkët e cila duhet të reflektojë në programin qeveritar. Subjektet të cilët do të bëhen pjesë e qeverisë do të kenë përgjegjësinë e implementimit të platfomës respektivisht programin qeveritar. Në favor të realizmit sa më të mirë të kësaj platforme është ekzistimi i opozitës e cila do të jetë mbikqyrëse e mosrealizimit të kërkesave shqiptare. Ndryshe mund të ketë një komoditet qeverisës", theksoi Ajdini.