LSDM dhe kryetari i saj Zoran Zaev tanimë katër ditë po heshtin dhe nuk kanë komentuar platformën e partive shqiptare, që sipas nënshkruesve të saj gjithçka bazohet në frymën e Marrëveshjes së Ohrit dhe nuk përbën goditje kundër sovranitetit dhe kushtetutës së vendit.
Nga kjo parti theksuan se presin që zyrtarisht ti dorëzohet platforma dhe më pas të shqyrtohet ajo. Funksionarë të kësaj partie në këtë mënyrë i janë arsyetuar deklaratës së partive shqiptare BDI, BESA dhe Aleanca për Shqiptarët. LSDM ka theksuar se në zgjedhjet e 11 dhjetorit ka fituar nga 60 mijë deri në 70 mijë vota të shqiptarëve. Kjo parti është zotuar se do të mbrojë interesat e shqiptarëve dhe do të plotësojë kërkesat e tyre.
