Ambasada e SHBA-së komunikon direkt me përfaqësues nga qeveria e Maqedonisë dhe gjithë partitë politke, si pjesë ditore e angazhimit tonë diplomatik, kjo është puna jonë, u përgjigjën nga ambasada e SHBA-së në lidhje me informacionet se OBRM-PDUKM-ja ka paguar kompaninë Dallsh Group për takime dhe kontakte telefonike me ambasadorin Jess Baily.
“Ne gjithashtu flasim me qytetarë nga SHBA-të të cilët janë të interesuar për zhvillimin e këtushëm. Qëndrimet tona rreth krizës politike dhe çështjeve tjera janë të njohura”, thuhet në përgjigjen e ambasadës së SHBA-ve.
Radio Evropa e Lirë njoftoi se sipas marrëveshjes e cila ende është në fuqi, partia qeverisëse maqedonase i paguan kompanisë Dallsh Group 49 500 dollarë në muaj.
