Drejtori i spitalit të qytetit të Ohrit e ka festuar në zyrë të spitalit ngritjen në detyrë në parti.
Drejtori Ljuben Arnaudov është gëzuar shumë pasi është emëruar si koordinator i OBRM-PDUKM-së në Ohër dhe i ka thirrur të punësuarit tjerë nga kjo parti për të festuar ngritjen e tij në detyrë.
Për këtë gjest ai është kritikuar nga ndjekësit e tij në Facebook, ku edhe e ka publikuar fotografinë. Gjithashtu, drejtori është kritikuar edhe nga këshilltarët komunal në Ohër duke kërkuar që drejtori të kërkojë falje publike.
