Mbi 120 të punësuar në Fondin për sigurim shëndetësor kanë dhuruar gjak për të ndihmuar të tjerët. Çdo pikë gjaku është e mirëseardhur, ndërkaq aktiviteti është bërë tashmë tradicional.
Sipas të dhënave që i ka Fondi, në institutin për transfuziologji ka njësi të mjaftueshme të gjakut. Gjendja është stabile pasi që aksione të dhurimit të gjakut bëhen në mënyrë të bashkërenduar me Institutin.
Aksioni i Fondit për sigurim shëndetësor quhet ”Zemra e Fondit”. Ata zotohen se do të dhurojnë gjak, deri sa të kenë mundësi të mira shëndetësore.
