Shilegov: Të tërhiqet vendimi i ‘Higjienës komunale’, të shpëtohen 3.5 milionë euro

Maqedonia

Shilegov: Të tërhiqet vendimi i ‘Higjienës komunale’, të shpëtohen 3.5 milionë euro

Më: 25 gusht 2016 Në ora: 09:24
Zëdhënësi i LSDM-së, Petre Shilegov

Zëdhënësi i LSDM-së, Petre Shilegov, ka reaguar ndaj vendimit për ‘Higjienë komunale’ për shpenzimin e 3.5 milionë eurove.

Deklarata për shtyp e zëdhënësit të Petre Shilegov, LSDM është si vijon:

“OBRM-PDUKM planifikon të shpenzojë 3.5 milionë euro për qytetarët për blerjen e ndërtesës së vjetër dhe jofunksionale për nevojat e ‘Higjenës Komunale’.

Për këtë nuk ka as arsyetim ekonomik, as ndonjë arsyetim tjetër.

Sipas kësaj marrëveshje të Higjienës Komunale duhet të paguhet 3,5 milionë euro për ndërtimin e objektit administrativ në gjendje të rrënuar, dhe të largohet hapësira atraktive në qendër të Shkupit. Kjo nuk e zgjidh problemin e vështirë të parkimit të automjeteve në kompanitë publike.

Për më tepër, parkingi i këtyre mjeteve të Higjenës Komunale do të vazhdojë të paguajë qira mujore në vlerë prej 12,000 euro.

Qytetarët e Shkupit nuk kanë nevojë për këtë lloj të shpenzimeve milionëshe. Sidomos pasi që qeveria nuk ka para për të paguar qytetarët e përmbytur, dhe u tregua se as Shkupi e as Maqedonia nuk kanë elemente themelore dhe mjetet për trajtimin e fatkeqësive.

LSDM-ja kërkon që vendimi për shkëmbimin e pasurive të patundshme në mes ‘Higjienës’ dhe kompanisë private Unitaers City, të tërhiqet menjëherë.

Përndryshe, është e qartë se OBRM-PDUKM dhe Kotze Trajanovski mbrojnë interesat e biznesit kriminel pas kësaj marrëveshje të dyshimtë”, tha ndër të tjera Shilegov.

Sot mund të lexoni Shfletoni kopertinat