Pamje nga fshatrat e Karadakut të Shkupit, gjegjësisht fshati Malinë, ku ishin stacionuar njësitet e para të UÇK-së dhe figurat emblematike të saj.
Në një video të Asociated Press shfaqen pamjet e lëvizjes dhe luftimeve të ushtarëve, por edhe deklaratat e komandantëve mes tyre edhe Xhezair Shaqiri – Hoxha, si dhe Sami Ukshini i njohur si komandant Sokoli, transmeton INA. Këta janë dy komandantët që nisën luftën e vitit 2001 duke udhëhequr UÇK-në.
“Ata ishin shtylla kryesore e betejave vendimtare në zonën më të nxehtë të konfliktit të vitit 2001. Por sot njëri prej tyre është arratisur në mal, siç është Xhezair Shaqiri, ndërsa tjetri Sami Ukshini në burg, duke qenë të pakënaqur me të arriturat dhe nëpërkëmbjen e luftës”, kanë shkruar në facebook, bashkëluftëtarët e tyre.